لاہور(این این آئی) پاکستان مسلم لیگ (ن)نے لانگ مارچ سے قبل عوام کو متحرک کرنے کا فیصلہ کرلیا ۔ پارٹی ذرائع کے مطابق لانگ مارچ سے قبل مسلم لیگ (ن)کی نائب صدر مریم نواز مختلف جلسوں سے خطاب کرینگی۔مریم نواز 22 مارچ کو سوات میں جلسے سے خطا ب کریں گی۔نواز شریف کی زیر صدارت ملک کے چاروں صوبوں میں رابطہ عوامی مہم کا فیصلہ کیا گیا ہے ۔مریم نواز کے سوات جلسے کے لئے مقامی قیادت کو ٹاسک سونپ دیا گیا۔مریم نواز کا دوسرا جلسہ پنجاب میں رکھے جانے کا فیصلہ کیاگیا ہے ۔مریم نواز لانگ مارچ نکلنے پر لاہور سے ریلی اور لانگ مارچ کی قیادت کریں گی۔پارٹی قائد نواز شریف نے فیصلے کی توثیق کر دی۔کراچی اور کوئٹہ میں بھی جلسے کئے جانے کا امکان ہے ۔مسلم لیگ ن کا لانگ مارچ 25 مارچ کو لاہور سے شروع کرنے کا فیصلہ کیاگیا ہے ۔مریم نواز اور حمزہ شہباز لاہور سے لانگ مارچ کی قیادت کریں گے۔لانگ مارچ کے شرکا 26 مارچ کی رات یا 27 مارچ کی صبح اسلام آباد پہنچیں گے۔
