اسلام آباد (این این آئی) ترجمان پاکستان پیپلزپارٹی پارلیمنٹرینز شازیہ مری نے کہا ہے کہ وزیراعظم اور ان کی کابینہ ختم ہو چکی ہے۔ایک بیان میں ، پی پی رہنماء شازیہ مری نے کہا کہ سلیکٹڈ وزیراعظم کے پاس اقتدار میں رہنے کا قانونی اور اخلاقی جواز نہیں ہے۔شازیہ مری نے کہا کہ عمران خان کے اپنے اسمبلی ممبران بھی ان پر عدم اعتماد کر چکے ہیں، بطور وزیراعظم عمران خان کا ہر فیصلہ اور حکم غیر قانونی ہے۔ترجمان پیپلزپارٹی نے کہا کہ وزیراعظم اور ان کی کابینہ ختم ہو چکی ہے، وزارت داخلہ وزیراعظم، وزرا اور معاونین کے نام ای سی ایل میں ڈالے۔انہوں نے کہا کہ بیوروکریسی عمران خان کے احکامات پر عمل نہ کرے، کٹھ پتلی آمر بن رہے تھے اس لئے جمہوریت کے انتقام کا نشانہ بنے۔
