لاہور( این این آئی)اداکار ہمایوں سعید اور عدنان صدیقی نے مشترکہ طور پر کاسٹ اینڈ کریو کے نام سے ملبوسات کا نیا برانڈ لانچ کردیا۔اداکار ہمایوں سعید اور عدنان صدیقی کی شوبز انڈسٹری میں دوستی مشہور ہے گزشتہ روز اداکار ہمایوں سعید اور عدنان صدیقی کے مشترکہ کلاتھنگ برانڈ کاسٹ اینڈ کریو کے لانچ کی تقریب منعقد کی گئی ۔تقریب میں انور مقصود، شعیب ملک ، شاہد آفریدی، ایچ ایس وائے، اداکار بلال عباس، فیروز خان، فہد مصطفی، حمزہ علی عباسی، کنزہ ہاشمی، ہانیہ عامر، میرب علی، اور بہت سی مشہور شوبز شخصیات نے شرکت کی ۔
