اسلام آباد (این این آئی)وفاقی حکومت کی جانب سے اشتر اوصاف علی کو اٹارنی جنرل مقرر کر دیا گیا،وزیرِ اعظم میاں محمد شہباز شریف نے اشتر اوصاف علی کی تعیناتی کی منظوری دے دی۔اشتر اوصاف کو اس سے قبل سابق وزیرِ اعظم میاں نواز شریف نے اٹارنی جنرل مقرر کیا تھا۔انہوں نے 2016ء تا 2018ء بطور اٹارنی جنرل خدمات انجام دی تھیں۔واضح رہے کہ سابق وزیرِ اعظم عمران خان کی حکومت میں اٹارنی جنرل کے فرائض انجام دینے والے خالد جاوید خان نے گزشتہ ماہ اپنے عہدے سے استعفیٰ دے دیا تھا۔
