اسلام آباد (این این آئی)وزیراعظم شہباز شریف نے لیفٹیننٹ کرنل لئیق بیگ شہید کو خراج عقیدت، اہل خانہ سے تعزیت کرتے ہوئے کہاہے کہ کرنل لئیق شہید کی قربانی رائیگاں نہیں جائے گی، دہشت گردوں کو عبرت کی مثال بنائیں گے۔ جاری اعلامیہ کے مطابق وزیر اعظم نے کہاکہ فوج کے افسروں اور جوانوں کی مادر وطن کے لئے عظیم قربانیاں ناقابل فراموش ہیں ۔ وزیر اعظم نے کہاکہ دہشت گردی کا خاتمہ قومی عزم ہے، پوری قوم اس پر یکسو ہے ،کرنل لئیق بیگ شہید کے اہل خانہ کے غم میں شریک ہیں ۔ انہوںنے کہاکہ اللہ تعالیٰ شہداء کے درجات بلند فرمائے اور لواحقین کو صبر جمیل دے۔ آمین۔
