دبئی (این این آئی )آئی سی سی ویمنز ٹی ٹوئنٹی ورلڈ کپ میں آسٹریلیا نے پاکستان کو 9 وکٹوں سے ہرا دیا۔دبئی میں آسٹریلوی کپتان نے ٹاس جیت کر فیلڈنگ کو ترجیح دی، پاکستان کی پہلی وکٹ 13 رنز پر گر گئی، کپتان منیبہ علی 7 رن بنا سکیں۔ اس کے بعد صدف شمس 3، سدرہ امین امین 12، امیمہ سہیل 3 اور ندا ڈار 10 رنز بنا کر لوٹ گئیں۔ ایسے میں عالیہ ریاض نے اچھی بیٹنگ کی، 26 رنز بنائے۔ ارم جاوید نے بھی 12 رنز اسکور کیے، پاکستان ٹیم آخری اوور میں 82 رنز بنا کر آؤٹ ہوگئی۔ایشلی گارڈنر نے 4 کھلاڑیوں کو اّٹ کیا انابیل اور جارجیا نے 2، 2 وکٹیں حاصل کیں۔83 رنز کے تعاقب میں اّسٹریلیا کی پہلی وکٹ 36 رنز پر گر گئی، بیتھ مونی 15 رن بنا کر سعدیہ اقبال کا شکار بنیں۔ اس کے بعد کپتان ایلیسا ہیلی ا ور ایلس پیری نے اچھی شراکت لگائی، جب ٹیم کا اسکور 69 ہوا تو ایلیسا ہیلی ریٹائرڈ ہرٹ ہوگئیں اور بقیہ اسکور ایلس پیری اور ایشلی گارڈنر نے 11 اوور میں صرف ایک وکٹ پر پورا کر دیا۔ اس کامیابی کے بعد اّسٹریلیا کے 6 پوائنٹس ہوگئے پاکستان کے 2 پوائنٹس ہیں۔
آئی سی سی ویمنز ٹی ٹوئنٹی ورلڈ کپ میں آسٹریلیا نے پاکستان کو 9 وکٹوں سے ہرا دیا۔دبئی میں){kind=link}