ریاض(این این آئی)سعودی عرب کے ولی عہد شہزادہ محمد بن سلمان مصر کے سرکاری دورے پر قاہرہ پہنچ گئے۔عرب ٹی وی کے مطابق ہوائی اڈے پر مصر کے صدر عبدالفتاح السیسی نے ان کا بنفس نفیس استقبال کیا۔شہزادہ محمد بن سلمان اپنے دورے کے دوران صدر السیسی سے ملاقات میں دونوں ملکوں کے درمیان برادرانہ تعلقات میں مضبوطی، باہمی دلچسپی کے امور سمیت خطے کی کشیدہ صورت حال پر تبادلہ خیال کریں گے۔حالات سے باخبر مصری حلقوں کا کہنا تھا کہ شہزادہ محمد بن سلمان کے دورہ مصر کے بعد دونوں ملکوں کے درمیان سٹرٹیجک، اقتصادی اور تجارتی تعلقات کو نئی جہت ملنے کی توقع ہے۔مصری ماہرین نے امید ظاہر کی ہے کہ سعودی ولی عہد کے دورے سے دونوں ملکوں کے درمیان تعاون کے نئے افق کھلیں گے جن سے دونوں ملکوں کے عوام مستقبل میں استفادہ کر سکیں گے۔
سعودی عرب کے ولی عہد شہزادہ محمد بن سلمان مصر کے سرکاری دورے پر قاہرہ پہنچ گئے){kind=link}