اسلام آباد (این این آئی)عمران خان کے وزیراعلیٰ پنجاب کی نشست پر بیٹھنے کا معاملہ کے معاملے پر عثمان ڈار نے کہا ہے کہ اشتہاری مفروروں کی آفیشل ملاقات میں بیٹھنے پر آپ کو بطور وزیر دفاع مستعفی ہونا چاہیے تھا۔وزیر دفاع خواجہ آصف کے بیان پر رہنماء پی ٹی آئی عثمان ڈار نے کہاکہ عمران خان تو ملک کے دو بڑے صوبوں میں حکمراں جماعت کے سربراہ ہیں،جس صوبے کے وزیراعلی پرویز الٰہی ہیں اس صوبے کی سب سے بڑی سیاسی جماعت بھی عمران خان کی ہے لیکن آپ بتائیں کہ سلیمان شہباز اور حسین نواز جیسے مفرور اشتہاری اور بھگوڑے آخر کس حیثیت میں سرکاری ملاقاتوں میں شریک ہوئے تھے؟،ایسی کونسی بزنس ڈیل تھی جس کیلئے مفروروں اور اشتہاریوں کو لندن سے سعودی عرب بلوایا گیا تھا۔ انہوںنے کہاکہ امپورٹڈ وزیراعظم نے آفیشل سیکرٹ ایکٹ کی خلاف ورزی کرتے ہوئے اقدام اٹھایا،اشتہاری مفروروں کی آفیشل ملاقات میں بیٹھنے پر آپ کو بطور وزیر دفاع مستعفی ہونا چاہیے تھا،آپ خود لیبر اقاموں پر چلتے ہیں اسی لئے درباری بن کر خاموش رہے
