لاہور( این این آئی)سینئر اداکارہ مرینہ خان اپنی آنے والی فلم ”یارا وے ”کے پروڈیوسرز کی جانب سے پورا معاوضہ نہ ملنے پر ناراض ہیں۔اداکار سمیع خان اور علیزے نصر کی فلم ”یارا وے” 16 ستمبر 2022 کو ریلیز ہوگی اور مرینہ خان اس فلم میں اہم کردار نبھارہی ہیں تاہم پروڈکشن ٹیم کی جانب سے اداکارہ سے کیا گیا وعدہ پورا نہیں کیا گیا۔مرینہ خان نے اپنے انسٹاگرام پوسٹ میں اپنے مداحوں کو مخاطب کرتے ہوئے لکھا کہ میں بہت پریشان ہوں کہ یہ فلم ریلیز ہونے جارہی ہے کیونکہ مجھے پروڈیوسرز نے پوری رقم نہیں دی جس کا انہوں نے مجھ سے وعدہ کیا تھا۔ نیز وہ معاہدے پر دستخط کرنے میں بھی تاخیر کرتے رہے لہذا تکنیکی طور پر اگر میں چاہوں تو شاید میں حکم امتناعی لے سکتی ہوں لیکن آپس کی بات ہے میں بہت سست ہوں۔
