لاہور(این این آئی)شاہد اسلم کو پاکستان ٹیم کا بیٹنگ کوچ بنا دیا گیاپی سی بی نے تصدیق کردی۔ترجمان پی سی بی کے مطابق شاہد اسلم بیٹنگ کوچ کی حیثیت سے زمبابوے اور جنوبی افریقا جا رہے ہیں۔ترجمان نے کہاکہ پاکستان ٹیم کے لیے اسپن بولنگ کوچ کی تلاش ہے، کوچ کا جلد تقرر کیا جائے گا۔آسٹریلیا میں پاکستان کرکٹ ٹیم کے بیٹنگ مسائل کو دیکھتے ہوئے مستقل بیٹنگ کوچ کی تقرری کی گئی ہے۔اس سے قبل ذمے دار ذرائع کا کہنا تھا کہ کوالیفائیڈ کوچ شاہد اسلم کو پاکستان ٹیم کا بیٹنگ کوچ بنانے کا فیصلہ کیا گیا ہے۔شاہد اسلم زمبابوے اور جنوبی افریقا میں بیٹنگ کوچ ہوں گے، عاقب جاوید کی سفارش پر ان کی دوبارہ تقرری ہو رہی ہے۔شاہد اسلم ماضی میں کئی سال تک ٹیم کے سپورٹ اسٹاف میں شامل تھے وہ بیٹرز کو پریکٹس کرانے میں شہرت رکھتے ہیں، وہ گھنٹوں تھرو ڈاؤن کرانے کی وجہ سے مشہور ہیں۔
