لاہور( این این آئی) نامور اداکار عمران اشرف کی انسٹا گرام اکائونٹ پر فالوورز کی تعداد3ملین تک پہنچ گئی جس پر اداکار نے جشن منایا ۔ اداکار نے اپنے مداحوں کا شکریہ ادا کرتے ہوئے انہیں خصوصی پیغام بھی دیا ۔عمران اشرف نے الف اللہ اور انسان ، رقص بسمل ، رانجھا رانجھا کردی جیسے سپر ہٹ ڈراموں میں مرکزی کردار نبھائے ہیں۔ عمران اشرف ویسے تو سوشل میڈیا پر اتنا متحرک نہیں لیکن ان کے پرستار انہیں سوشل میڈیا پر متحرک دیکھنے کے خواہشمند ہیں۔اداکار نے انسٹا گرام اکائونٹ پر تین ملین فالوورز مکمل ہونے پر پوسٹ شیئر کرتے ہوئے لکھا کہ زیرو سے تین ملین فالوورزتک، میں ایمانداری اور محبت کے ساتھ اپنا ہر ایک شوٹ دوں گا ۔پرستاروں اور ساتھی اداکاروں کی جانب سے عمران اشرف کو تین ملین فالوورز کا سنگ میل عبور کرنے پر مبارکباد بھی دی گئی ہے ۔
