کراچی(این این آئی)پاکستانی اداکارہ و ماڈل ہانیہ عامر نے اپنے حسین چہرے پر بندی لگا کر اپنے ہندو مداحوں کو ان کے مذہبی تہوار ہولی کی مبارکباد دی ہے۔تفصیلات کے مطابق اداکارہ نے انسٹاگرام پر نئی پوسٹ شیئر کی ہے جس میں انہوں نے اپنی متعدد تصویریں اپلوڈ کی ہیں۔ان تصاویر میں ہانیہ عامر کو بندی لگائے دیکھا جا سکتا ہے۔اداکارہ نے پوسٹ میںایک عقل مند آدمی نے ایک بار حقائق پر بات کرتے ہوئے کہا کہ کوئی برائی نہ سنو، کوئی برائی نہ دیکھو اس لیے میں برا نہیں بولتی، ہولی کا جشن منانے والوں کو مبارک ہو۔سوشل میڈیا صارفین نے ہانیہ عامر کے بندی لگانے پر اپنی اپنی رائے کا اظہار کیاہے۔ایک صارف نے لکھا کہ ہندوں کے کلچر میں گھس رہی ہیں، اِن سے پوچھو کہ آخری بار نماز کب پڑھی تھی؟ ایک اور صارف نے کہا کہ ہانیہ جان بوجھ کر کوئی نہ کوئی شوشہ چھوڑتی رہتی ہے تاکہ زیادہ سے زیادہ کمنٹس آئیں اور انہیں reachملے۔کسی صارف نے کمنٹس سیکشن میں لکھا کہ بندی کا تعلق کسی مخصوص مذہب سے نہیں ہے، جیسے قمیض شلوار صرف مسلمانوں کا لباس نہیں ہے، ایک دوسرے کے تہواروں میں شرکت سے ہی دوریاں مٹ سکتی ہیں۔
