کراچی(این این آئی)پاکستانی اداکارہ ثنا جاوید نے بالی وڈ کی حسینہ ایشوریا رائے کا مشہور فلمی لک چرا کر سب کی توجہ حاصل کرلی۔رپورٹ کے مطابق ثنا جاوید کی شو کیلئے لیا گیا ایک لک سوشل میڈیا پر خوب چرچوں میں آگیا اور اس کی وجہ اس لک کی بالی وڈ اسٹار ایشوریا رائے کے ایک فلمی لک سے مشابہت ہے۔ثنا جاوید نے کلاتھنگ برانڈ ‘آمنہ چوہدری’کی سیاہ نیٹ سے تیار کردہ لمبی قمیص کے ساتھ سیاہ شلوار اور دوپٹہ پہنی نظر آئیں جس کی قیمت 64ہزار 740روپے ہے۔اس کے ساتھ انہوں نے اپنی لک کو دلکش بناتے ہوئے گھنگریالے بالوں میں دو گلاب کے پھول سجائے۔اداکارہ کا سیاہ لباس پہنا اور پھر زلفوں میں سائڈ پر گلاب لگانا فیشن کے متوالوں کی تمام تر توجہ سمیٹنے میں کامیاب ہوگیا ہے کیونکہ انہیں یہ لک دیکھ کر ایشوریا رائے کی سال 2010میں ریلیز ہونے والی فلم ‘گزارش’کا لک یاد آگیا۔اداکارہ نے اس فلم میں سیاہ لباس پہنا تھا اور انہوں نے بھی زلفوں میں سرخ گلاب لگائے تھے جو اس کردار کی خاص شناخت تھی۔سوشل میڈیا پر ثنا جاوید کے اس لک پر ایک صارف نے لکھا کہ عجیب بالی وڈ میں ہی چلی جاؤ جبکہ ایک اور صارف نے لکھا کہ چائنا کی ایشوریا رائے۔
