کراچی (این این آئی) نوشین شاہ نے انکشاف کیا ہے کہ اداکارہ بننے پر رشتہ داروں کا قطع تعلق معمولی بات ہے۔اداکارہ و ماڈل نوشین شاہ نے ایک حالیہ انٹرویو میں شوبز انڈسٹری میں کام کرنے والی خواتین کے ساتھ معاشرتی رویوں پر کھل کر بات کی۔ انہوں نے انکشاف کیا کہ بعض اوقات اپنے قریبی رشتہ دار بھی اداکاراں سے قطع تعلق کر لیتے ہیں۔معروف اداکارہ نوشین شاہ اپنے بیباک انداز اور بہترین اداکاری کیلئے جانی جاتی ہیں، انہوں نے ایک پروگرام میں گفتگو کے دوران بتایا کہ شوبز میں کام کرنے والی خواتین کو آج بھی شک کی نگاہ سے دیکھا جاتا ہے۔ انہوں نے کہا کہ لوگ آج بھی ایک اداکارہ سے تعلق قائم کرنے میں ہچکچاہٹ محسوس کرتے ہیں، انہیں یہ تسلیم کرنے میں مشکل ہوتی ہے کہ ان کی بیوی یا بہو ایک ایسی خاتون ہے جو دنیا کے سامنے آتی ہے۔نوشین نے مزید بتایا کہ یہ صرف معاشرے کا ردعمل نہیں بلکہ اکثر اوقات اپنے ہی گھر والے جیسے ماموں، چچا، یا خالائیں اداکارہ ہونے کی وجہ سے تعلق ختم کر دیتے ہیں۔ان کا کہنا ہے کہ جب میں نے شوبز جوائن کیا تو میری والدہ نے بھی مخالفت کی تھی لیکن وقت کے ساتھ انہوں نے میری محنت کو تسلیم کیا، میرے لیے والدہ کی رضامندی سب سے اہم تھی اور آج وہ میری سب سے بڑی حامی ہیں۔
