کراچی (این این آئی)طلاق کے بعد اداکار فیروز خان کی سابق اہلیہ علیزہ فاطمہ سلطان نے ماڈلنگ شروع کردی، جس کے بعد چہ مگوئیاں کی جا رہی ہیں کہ وہ جلد شوبز میں بھی قدم رکھیں گی۔علیزہ سلطان نے 2018میں اداکار فیروز خان سے شادی کی تھی اور انہیں دو بچے ہیں۔2021میں اختلافات کے باعث ستمبر 2022میں ان کے درمیان طلاق ہوگئی تھی۔علیزہ فاطمہ سلطان کا تعلق شوبز خاندان سے نہیں ہے، تاہم اداکار سے شادی اور طلاق کے بعد وہ شوبز انڈسٹری کا بلواسطہ یا بلاواسطہ حصہ بن چکی ہیں اور اب انہوں نے ماڈلنگ بھی شروع کردی۔علیزہ فاطمہ نے 22دسمبر کو اپنی ماڈلنگ کے پہلے فوٹوشوٹ کی تصاویر شیئر کیں، جن میں انہیں بلوچی اور سندھی امتزاج کے لباس میں دیکھا جا سکتا ہے۔علیزہ فاطمہ سلطان کی جانب سے سندھی اور بلوچی امتزاج کے کڑاہی شدہ لباس کی تشہیر کی اور ان کی ماڈلنگ کی تصاویر اور ویڈیوز کو برانڈ نے بھی اپنے انسٹاگرام پر شیئر کیا۔ان کی جانب سے ماڈلنگ شروع کیے جانے پر کئی لوگوں نے ان کے لیے نیک خواہشات کا اظہار کیا اور ساتھ ہی ان کے ساتھ ہمدردی بھی کی کہ ان کی شادہ شدہ زندگی اچھی نہیں گزری۔
