لاہور( این این آئی ) سابق وفاقی وزیر داخلہ شیخ رشید احمد نے کہا ہے کہ وزیراعظم کی سوئی توشہ خانہ کی گھڑی پرپھنسی ہوئی ہے،پی ڈی ایم کوالیکشن میں ووٹ نہیں کچھ اورپڑیں گے، پی ڈی ایم اندرونی توڑپھوڑکاشکارہے ۔ ٹوئٹر پرجاری اپنے بیان میں شیخ رشید نے کہا کہ ملک ٹیکنکل طور پرڈیفالٹ ہوچکاہے ،عوام کانام ہی ریاست ہے ،عوام تباہی اوربربادی کے دہانے پر پہنچ گئے ہیں۔اسٹیبلشمنٹ اورعوام کاچولی دامن کاساتھ ہے،اب خاموش تماشائی نہیں رہاجاسکتا،آئی ایم ایف کے ساتھ ڈیڈلاک ہوگیاہے،10روزمیں اہم ریاستی سیاسی معاشی میٹنگزاورفیصلے ہوجائیں گے ۔انہوںنے کہا کہ ڈالرانٹربینک اورکرنسی مارکیٹ میں30روپے کافرق ہے ،زر مبادلہ کے ذخائر 5ارب ڈالرسے کچھ زیادہ رہ گئے ہیں ، آٹے کا قحط ،گیس کے بعدبجلی کی لوڈشیڈنگ ہے ،غیر ملکی سفارت خانوں نے اپنے عملے کواسلام آباد میں محتاط رہنے کا کہہ دیاہے۔
