اسلام آباد (این این آئی)وزیر اطلاعات مریم اورنگزیب نے سابق وزیر اعظم اور پیپلز پارٹی کی چیئرپرسن محترمہ بے نظیر بھٹو کو ان کے یوم شہادت پر خراج عقیدت پیش کرتے ہوئے بے نظیر بھٹو آخری سانس تک وفاق کی زنجیر بن کر پاکستان کے اتحاد، ترقی اور خوشحالی کے لئے برسرپیکار رہیں ،آئین، پارلیمنٹ، جمہوریت، عوامی حقوق اور سماجی بہتری کے لئے بے نظیر بھٹو شہید کی جدوجہد ہمیشہ یاد رکھی جائے گی۔ اپنے بیان میں وزیر اطلاعات ونشریات نے کہاکہ بے نظیر بھٹو شہید اپنے نام کی طرح بے نظیر تھیں ،انہوں نے صبر آزما حالات میں بھی ایک بہادر بیٹی، ماں، اہلیہ اور بہن کے رشتے بڑی خوبی اور جرات سے نبھائے۔ انہوںنے کہاکہ بینظیر بھٹو سیاست میں تدبر، بہادری اور جدوجہد کی روشن مثال ہیں ،بے نظیر بھٹو آخری سانس تک وفاق کی زنجیر بن کر پاکستان کے اتحاد، ترقی اور خوشحالی کے لئے برسرپیکار رہیں ،وہ خواتین سیاسی کارکنوں کے لئے ایک تحریک کا درجہ رکھتی تھیں جنہوں نے ہمیشہ آمریت کو للکارا ۔ انہوںنے کہاکہ محترمہ بے نظیر بھٹو نے ذاتی زندگی میں بھی بہت دکھ سہے لیکن مشکلات ان کی سیاسی و جمہوری جدوجہد کو مزید طاقتور اور توانا بناتی گئیں،آئین، پارلیمنٹ، جمہوریت، عوامی حقوق اور سماجی بہتری کے لئے بے نظیر بھٹو شہید کی جدوجہد ہمیشہ یاد رکھی جائے گی،ان کی شہادت پاکستان کا بہت بڑا نقصان تھا جسے قوم کبھی بھلا نہیں سکے گی ۔ انہوںنے کہاکہ آج کے دن سابق صدر زرداری کو بھی خراج تحسین پیش کرتے ہیں جنہوں نے ‘پاکستان کھپے’ کا نعرہ لگا کر پاکستان کے اتحاد کو مزید مظبوط بنایا تھا ،سابق صدر زرداری، بلاول، بختاور اور آصفہ بھٹو سمیت تمام اہل خانہ سے تعزیت کرتے ہیں ،اللہ تعالیٰ شہید بے نظیر بھٹو کو اپنے جوار رحمت میں اعلی ترین مقام عطا فرمائے اور لواحقین کو صبر جمیل دے۔ آمین
مقبول خبریں
ہمارے کارکنان کو کچھ ہوا تو ذمہ دار حکومت ہوگی ، بیرسٹر سیف
پشاور(این این آئی) مشیر اطلاعات خیبر پختونخوا بیرسٹر ڈاکٹر سیف نے کہا ہے کہ حکومت انتہائی اوچھے ہتھکنڈوں پراْتر آئی ہے، ہمارے کارکنان کو...
پاکستان کی جانب سے ایران پراسرائیلی حملوں کی مذمت
اسلام آباد(این این آئی) پاکستان کی جانب سے ہفتہ کی صبح ایران پر ہونیوالے اسرائیلی حملوں کی شدید مذمت کی گئی ہے۔ترجمان دفتر خارجہ...
چیف جسٹس پاکستان جسٹس یحییٰ آفریدی کی زندگی پر ایک نظر
اسلام آباد(این این آئی) چیف جسٹس پاکستان جسٹس یحییٰ ا?فریدی 23 جنوری 1965 کو ڈیرہ اسماعیل خان میں پیدا ہوئے ، ان کا تعلق...
آلودہ ترین شہروں میں لاہور کا تیسرا نمبر
لاہور(این این آئی)لاہور آج دنیا کے آلودہ ترین شہروں کی فہرست میں تیسرے نمبر پر ہے۔ایئر کوالٹی انڈیکس کے مطابق لاہور کی فضا میں...
مہنگائی میں کمی، معیشت درست سمت میں گامزن ہے’ گورنر اسٹیٹ بینک
واشنگٹن (این این آئی)گورنر اسٹیٹ بینک جمیل احمد نے عالمی سرمایہ کاروں سے ملاقات کی ہے، آئی ایم ایف اور ورلڈ بینک کے سالانہ...