اسلام آباد(این این آئی)توہین الیکشن کمیشن کیس میں کمیشن نے حکم دیا ہے کہ اگر اگلی پیشی پہ عمران خان ، فواد چوہدری اور اسد عمر پیش نہ ہوئے تو وارنٹ جاری کریں گے۔کیس کی سربراہی ممبر سندھ ناصر درانی کی سربراہی میں چار رکنی بنچ نے کی۔ پی ٹی آئی کے معاون وکیل علی بخاری ، عمران خان اور فواد چوہدری کی جانب سے پیش ہوئے۔ علی بخاری نے بنچ کو بتایا کہ فواد چوہدری کی والدہ علیل ہیں اس لیے وہ پیش نہیں ہو سکے جبکہ اس عمر کے وکیل انور منصور نے بتایا کہ اسد عمر آج آ رہے تھے تاہم ان کی فلائٹ تاخیر کا شکار ہو گئی اس لیے وہ نہ آ سکے۔بنچ نے سماعت سترہ جنوری تک ملتوی کرتے ہوئے کہا کہ اگر عمران خان ، اسد عمر اور فواد چوہدری اگلی سماعت پہ پیش نہ ہوئے تو ان کے خلاف وارنٹ جاری کیے جائیں گے۔
