عائزہ اعوان کے شوبز انڈسٹری آنے والی نئی لڑکیوں کو اہم مشورے

0
273

کراچی (این این آئی) پاکستانی اداکارہ عائزہ اعوان نے شوبز انڈسٹری میں آنے والی نئی لڑکیوں کو اہم مشورے دیئے ہیں۔ایک تازہ انٹرویو میں ماڈل اداکارہ نے کہا ہے کہ انڈسٹری میں آنے والی لڑکیوں کو سب سے پہلے اپنی اپروچ کو درست کرنے کی ضرورت ہے۔انہوں نے کہا کہ انڈسٹری میں صرف بڑے پروڈکشن ہاسز کے پاس جینوئین کام موجود ہے اور وہ پروفیشنل طریقے سے کام کرتے ہیں۔عائزہ اعوان نے خبردار کیا کہ انڈسٹری میں داخل ہونے سے قبل لڑکیوں کر ریسرچ کرنی چاہئے کہ کون کون سے ادارے پروفیشنل طریقے سے کام کررہے ہیں اور ان کو وہیں جاکر کام کرنا چاہئے۔انہوں نے بتایا کہ شوبز پروڈکشن کے نام سے بہت سے ادارے مارکیٹ میں موجود ہیں جو اپنے فائدے کیلئے نئے ٹیلنٹ کا استحصال کرتے ہیں، نئی لڑکیوں کو ان سے بچنے کی کوشش کرنی چاہئے۔اداکارہ نے مزید مشورہ دیتے ہوئے کہ کامیابی شارٹ کٹ سے نہیں ملتی بلکہ اسے کیلئے صبر سے کام لینا پڑتا ہے، ابتدا میں چھوٹے کردار ادا کریں اور پھر اچھے کرداروں کا انتظار کریں۔