ممبئی (این این آئی ) بالی ووڈ اداکار اکشے کمار اور عمران ہاشمی کی نئی فلم ” سیلفی ” کا پہلا پوسٹر جاری کر دیا گیا۔فوٹو اینڈ ویڈیو شیئرنگ پلیٹ فارم انسٹا گرام پر اداکار اکشے کمار نے فلم کا پوسٹر مداحوں کے ساتھ شیئر کرتے ہوئے اپنے ایک پیغام میں لکھا کہ ” مداح ایک ستارہ بناتے ہیں تو ایک ستارے کو توڑ بھی سکتے ہیں ” ۔اداکار نے فلم کی ریلیز کی تاریخ بتاتے ہوئے مزید لکھا کہ ” جانیے کیا ہوتا ہے جب کوئی پرستار ستارے کے خلاف ہو جاتا ہے، دیکھیے سیلفی 24 فروری کو سنیما گھروں میں ” ۔میڈیا رپورٹس کے مطابق سنسنی خیز تھرلر سے بھرپور ڈرامہ فلم ” سیلفی ” کو راج مہتا نے ڈائریکٹ جبکہ پروڈیوس کرن جوہر نے کیا ہے اور فلم میں اکشے کمار اور عمران ہاشمی تکرار کرتے دکھائی دیں گے۔
