اسلام آباد(این این آئی)پاکستان تحریک انصاف کے رہنما اورسابق وزیرخزانہ اسدعمرنے کہا ہے کہ لارج سکیل مینوفیکچرنگ کے 4شعبوں میں نمو صفر ہے، ہر گزرتا دن پاکستان کو مزید تباہی میں دھنسا رہا ہے۔ٹوئٹر پر اپنے پیغام میں رہنما پی ٹی آئی اسد عمر نے کہاکہ لارج سکیل مینوفیکچرنگ کے 15شعبوں میں جولائی تا نومبر ترقی کی شرح منفی رہی، لارج سکیل مینوفیکچرنگ کے4شعبوں میں نمو صفر ہے۔انہوں نے کہاکہ لارج سکیل مینوفیکچرنگ پچھلے سال کے مقابلے میں سکڑتی جا رہی ہے، ہر گزرتا دن پاکستان کو مزید تباہی میں دھنسا رہا ہے۔
