ممبئی (این این آئی)بالی ووڈ کی مشہور جوڑی عالیہ بھٹ اور رنبیر کپور نے اپنی یادگار تصاویر پر مشتمل ‘ وال آف فیم’ بنا لی۔بھارتی میڈیا کے مطابق بدھ کے روز ممبئی میں عالیہ بھٹ اور رنبیر کپور نے ایک تقریب میں شرکت کی۔میڈیا رپورٹس کے مطابق جوڑے کو ممبئی پریس کلب میں کیلنڈر 2023 کے لانچ کی تقریب میں دیکھا گیا ہے، تصویر میں جوڑے کو ہاتھ میں کیلنڈر کو پکڑے دیکھا جا سکتا ہے۔کیلنڈر لانچ کی تقریب کے دوران جوڑے نے اپنی زندگی کے یادگار لمحات سے بھرے کمرے کا بھی دورہ کیا۔بھارتی میڈیا کے مطابق عالیہ اور رنبیر نے پریس کلب کے اس کمرے میں تصاویر بھی بنوائیں، تصویر کے پس منظر میں دیوار پر جوڑے کی تصاویر لٹکی ہوئی ہیں۔دیوار پر لٹکی تصاویر میں رنبیر کپور کی اپنے والدین رشی کپور اور نیتو کپور کے ساتھ ایک دلکش تصویر بھی موجود ہے۔ رنبیر کپور اور عالیہ بھٹ نے اپنی سوشل میڈیا اکاؤنٹ پر بھی یہ تصاویر شیئر کی ہیں۔
