ممبئی (این این آئی)بولی وڈ بادشاہ کہلانے والے شاہ رخ خان نے ساتھی اداکارہ دپیکا پڈوکون کی تعریف کرتے ہوئے انہیں سخت جان رکھنے والی نسوانی خوبیوں سے بھرپور خاتون قرار دیتے ہوئے کہا ہے کہ ‘بے شرم رنگ’ جیسے گانے میں ان جیسی ہی کوئی اداکارہ پرفارمنس کر سکتی تھیں۔’بے شرم رنگ’ گانا شاہ رخ خان اور دپیکا پڈوکون کی جلد ریلیز ہونے والی ایکشن فلم ‘پٹھان’ میں شامل ہے، جس پر ہندو انتہا پسندوں نے فلم کی ٹیم اور خصوصی طور پر شاہ رخ خان کو تنقید کا نشانہ بھی بنایا تھا۔ے ‘بے شرم رنگ’ کو گزشتہ ماہ 12 دسمبر کو ریلیز کیا گیا تھا، جسے اب تک 15 کروڑ سے زائد بار دیکھا جا چکا ہے۔’بے شرم رنگ’ کی ریلیز پر وہاں کے ہندوئوں نے احتجاج کرتے ہوئے شاہ رخ خان کو زندہ جلانے کی دھمکی بھی دی تھی۔انتہاپسند ہندوئوں کے مطابق ‘بے شرم رنگ’ میں دپیکا پڈوکون کو ان کے مقدس سمجھے جانے والے زعفرانی رنگ کا لباس پہنا کر ان سے نیم عریاں رقص کروایا گیا۔انتہاپسندوں نے ‘بے شرم رنگ’ کو جواز بناکر شاہ رخ خان کے خلاف احتجاج کرتے ہوئے ان کی فلم کے خلاف بائیکاٹ کا ٹرینڈ چلایا اور دھمکی دی کہ اگر فلم کو ریلیز کیا گیا تو ملک بھر میں مظاہرے شروع کیے جائیں گے۔
