لاہور( این این آئی)نگران وزیراعلی پنجاب محسن نقوی نے صدر کے علاقے میں گھریلو ملازمہ پر تشدد کے واقعہ کا نوٹس لیتے ہوئے انسپکٹر جنرل پولیس سے رپورٹ طلب کر لی ۔ نگران وزیر اعلیٰ پنجاب نے ہدایت کی کہ تشدد کے ذمہ داروں کو جلد گرفتار کرکے قانون کے کٹہرے میں لایا جائے۔بچی کو ہسپتال میں علاج معالجے کی بہترین سہولتیں فراہم کی جائیں اور متاثرہ بچی کو ہر صورت انصاف فراہم کیا جائے۔بتایا گیا ہے کہ پولیس نے ملزمان کے خلاف مقدمہ درج کرکے ملزمان کی گرفتاری کے لئے کارروائیاں شروع کر دی ہیں۔
