مدینہ منورہ (این این آئی)مسجد نبوی ۖ کے انتظامی امور کی ذمہ دار جنرل پریذیڈنسی سے منسلک خواتین کے امور کی ایجنسی نے سال 1444ھ کے لیے رمضان ٹریول مینجمنٹ پرفارمنس سسٹم تیار کرنے کے لیے اپنی پیشگی تیاریاں جاری رکھے ہوئے ہے۔ ان تیاریوں کا مقصد مسجد نبوی ۖ میں خواتین زائرات کو فراہم کی جانے والی خدمات کے معیار کو بہتر بنانا ہے۔غیرملکی خبررساں ادارے کے مطابق مسجد نبوی ۖ میں خواتین کی خدمت اور فیلڈ امور کی معاون انڈر سیکرٹری حنان العروی نے افطار سفری خدمات فراہم کرنے والی خواتین کی شرائط، کنٹرول اور طریقہ کار کے بارے میںبتایا۔العروی نے منظور شدہ معیار اور طریقہ کار کے اطلاق پر زور دیا اور ان شعبوں اور غیر منافع بخش اداروں کے مربوط کردار کی تعریف کی جو مسجد نبوی ۖ میں خواتین زائرین کو خدمات فراہم کرنے میں کردار ادا کرتے ہیں۔دوسری جانب مسجد نبوی ۖ میں خواتین کے امور نے رمضان ٹریول مینجمنٹ پرفارمنس سسٹم تیار کرنے کے لیے ایک ورکشاپ کا انعقاد کیا۔پیش آئند رمضان المبارک کے دوران روزہ دار خواتین کو فراہم کیے جانے والے افطار کے کھانے کے پیکٹوں کی تعداد تقریبا 1,285,000 تک پہنچنے کی توقع ہے۔ مسجد نبوی میں ماہ صیام کے دوران524 خواتین روزہ دارخدمات فراہم کریں گی جب کہ راشن کمپنیوں اور 821 رضاکاروں کی معاونت بھی حاصل ہوگی۔ مسجد نبوی ۖ میں رمضان المبارک کے دوران 22 خواتین کو نگران مقرر کیا گیا ہے۔
