اسلام آباد (این این آئی) وزیر اعظم شہباز شریف نے کہا ہے کہ پاکستان چین کے اسٹریٹجک تعلقات میں وسعت دونوں ممالک کی دہائیوں پر محیط دیرینہ دوستی کا منہ بولتا ثبوت ہیں،K3 منصوبے کا افتتاح چین پاکستان کے تعلقات میں مزید استحکام کا عکاس ہے،کے تھری منصوبہ پاکستان کی طویل مدتی معاشی ترقی میں کلیدی کردار ادا کرے گا۔جمعہ کو وزیر اعظم آفس کے میڈیارنگ سے جاری بیان کے مطابق وزیر اعظم محمد شہباز شریف سے اسلام آباد میں چائنہ نیشنل نیوکلیئر کارپوریشن کے وفد نے ملاقات کیوفد کی وائس چیئرمین چائنہ نیشنل نیوکلیئر کارپوریشن لیو جنگ ، پاکستان میں چینی سفارتخانے کی ناظم المور پانگ چْن شوئی کی قیادت میں وزیرِ اعظم سے ملاقات ہوئی۔ملاقات میں وفاقی وزراء اسحاق ڈار، احسن اقبال، انجینئر خرم دستگیر خان، مشیر وزیر اعظم احد چیمہ، معاونینِ خصوصی طارق فاطمی، طارق باجوہ، جہانزیب خان اور متعلقہ اعلی حکام نے شرکت کی ملاقات میں وزیرِ اعظم کو بتایا گیا کہ چین پاکستان میں نیوکلیئر انرجی کے شعبے میں سرمایہ کاری بڑھانے میں دلچسپی رکھتا ہے اور اس حوالے سے جلد وفود کی سطح پر ملاقاتوں کا آغاز کیا جائے گا جس کا وزیرِ اعظم نے خیر مقدم کیا۔ ملاقات میں گفتگو کرتے ہوئے وزیراعظم شہباز شریف نے کہاکہ پاکستان چین کے اسٹریٹجک تعلقات میں وسعت دونوں ممالک کی دہائیوں پر محیط دیرینہ دوستی کا منہ بولتا ثبوت ہیں۔ انہوںنے کہاکہ کراچی میں گزشتہ روز K3 منصوبے کا افتتاح چین پاکستان کے تعلقات میں مزید استحکام کا عکاس ہے۔ انہوںنے کہاکہ یہ پاور پلانٹ نہ صرف پاکستان کی بڑھتی ہوئی بجلی کی ضروریات پورا کرے گا بلکہ کم لاگت اور ماحول دوست بجلی فراہم کرے گا۔وزیر اعظم نے کہاکہ کے تھری منصوبہ پاکستان کی طویل مدتی معاشی ترقی میں کلیدی کردار ادا کرے گا
