اسلام آباد(این این آئی)وفاقی کابینہ نے پاکستان سپرلیگ (پی ایس ایل)سیزن 8کی سکیورٹی کیلئے فوج اوررینجرز تعینات کرنیکی منظوری دیدی۔ذرائع کے مطابق وفاقی کابینہ سے وزارت داخلہ کی سمری کی سرکولیشن کے ذریعے منظوری لی گئی ہے۔ ذرائع نے بتایاکہ پنجاب ، سندھ اور اسلام آباد کی انتظامیہ نے فوج اور رینجرز کی تعیناتی کیلئے درخواست کی تھی اور پاکستان کرکٹ بورڈ نے بھی پی ایس ایل کی سکیورٹی کیلئے وفاقی وزیر داخلہ کو خط لکھا تھا۔خیال رہے کہ پاکستان سپر لیگ کا آٹھواں ایڈیشن پیرسے شروع ہوگیا۔
