اسلام آباد (این این آئی)وفاقی وزیربرائے قومی صحت عبدالقادرپٹیل نے شام کے سفیررمیز الراعی سے ملاقات کے دوران زلزلے میں ہونے والے جانی و مالی نقصان پر افسوس کا اظہارکرتے ہوئے کہا ہے کہ پاکستان کی حکومت اورعوام مشکل کی اس گھڑی میں اپنے متاثرہ بھائیوں اوربہنوں کے ساتھ ہیں۔جمعرات کو وزارت صحت کی طرف سے جاری بیان کے مطابق وفاقی وزیرنے شام کے سفیر سے ملاقات کی اور ترکیہ اور شام میں زلزلے کے حوالیسیدلی ہمدردی کااظہار کیا۔ وزیر صحت نے کہاکہ ان کی ہمدردیاں متاثرہ خاندانوں کے ساتھ ہیں اور ہم مشکل کی اس گھڑی میں ترکیہ اور شام کے ساتھ ہیں۔ انہوں نے کہاکہ وزارت صحت کی جانب سے ڈاکٹرز کی 10 رکنی ٹیم شام میں متاثرین کے علاج معالجے میں مصروف ہے۔
