ماسکو (این این آئی)روسی وزارت خارجہ نے اعلان کیا ہے کہ بیجنگ نے چیف چینی سفارت کار وانگ یی کے دورہ ماسکو کے بعد ماسکو کو یوکرین تنازعے کے سیاسی تصفیے کے لیے اپنے وژن سے آگاہ کر دیا تاہم روس نے کیف کے لیے امن کے منصوبے پر تبادلہ خیال نہیں کیا۔غیرملکی خبررساں ادارے کے مطابق روسی وزارت نے ایک بیان میں کہا کہ چینی شراکت داروں نے یوکرینی بحران کی بنیادی وجوہات کے ساتھ اس کے سیاسی حل کے لیے اپنے نقطہ نظر پر اپنے خیالات کا اظہار کیا۔ تاہم روس نے واضح کیا کہ اس کی کسی مخصوص امن منصوبے کے بارے میں کوئی بات نہیں ہوئی۔روس کی وزارت خارجہ کی ترجمان ماریا زاخارووا نے قبل ازیں ماسکو کی جانب سے یوکرینی بحران کے حل میں مثبت کردار ادا کرنے کی بیجنگ کی خواہش کا خیرمقدم کیا تھا۔انہوں نے روسی وزیر خارجہ سرگئی لاوروف اور چینی خارجہ امور کی کمیٹی کے چیئرمین وانگ یی کے درمیان ملاقات کے بعد کہا کہ ہم یوکرینی بحران کے حل کے لیے چین کی جانب سے مثبت کردار ادا کرنے کے لیے آمادگی کا خیرمقدم کرتے ہیں لیکن ہم واضح طور پر دیکھتے ہیں کہ کیف کی آج کی حکومت آزادانہ طور پر کارروائی کرنے کے لیے تیار نہیں ہے۔ وہ اپنا بوجھ نہیں اٹھا سکتے اور بین الاقوامی میدان میں ایک آزاد کھلاڑی نہیں ہیں۔تاہم روسی وزارت خارجہ نے تصدیق کی کہ لاوروف نے چین کے ساتھ یوکرین پر تصفیہ کے منصوبے پر بات نہیں کی۔ زخارووا نے ایک تبصرہ میں کہا کہ ہم نے چینی امن منصوبے کے بارے میں کچھ مغربی سیاست دانوں کے بیانات اور میڈیا رپورٹس کو دیکھا ہے۔ وہ ہمیشہ کی طرح حقیقی تصویر کو مسخ کر رہے ہیں۔
مقبول خبریں
عمران خان نے اسٹیبلشمنٹ سے بات کا کسی کو کوئی ٹاسک نہیں دیا’ شیخ...
اسلام آباد(این این آئی)پی ٹی آئی کے مرکزی سیکریٹری اطلاعات شیخ وقاص اکرم نے کہا ہے کہ بانی پی ٹی آئی عمران خان نے...
پاکستان اسٹاک ایکسچینج میں ملا جلا رجحان، 38 پوائنٹس کا اضافہ
کراچی (این این آئی)پاکستان اسٹاک ایکسچینج میں عید کی چھٹیوں کے بعد جمعرات کوتعطیلات کے بعد پہلے کاروباری دن ملا جلا رجحان دکھائی دے...
حماد اظہر نے پی ٹی آئی میں تمام عہدوں سے استعفیٰ دے دیا
لاہور(این این آئی)پاکستان تحریک انصاف پنجاب کے سیکریٹری جنرل اور قائم مقام صدر حماد اظہر نے پارٹی عہدے سے استعفیٰ دے دیا۔ حماد...
آئی ایم ایف ٹیم بجٹ کی تیاری کیلئے آج سے پاکستان کا دورہ کریگی
اسلام آباد(این این آئی) آئی ایم ایف کی ٹیم آئندہ مالی سال کے بجٹ کی تیاری کے سلسلے میں کل 4 اپریل سے پاکستان...
ممتاز صحافی، میڈیا ایڈوائزر اور سوشل ورکر سید مدثر خوشنود کی صحافتی اور سماجی...
دبئی(این این آئی) متحدہ عرب امارات کے معروف تجارتی ادارے این ایف ایل گروپ کی جانب سے ممتاز صحافی، میڈیا ایڈوائزر اور سوشل ورکر...