واشنگٹن (این این آئی)دین اسلام کی خاطر فیشن اور ماڈلنگ سے کنارہ کشی کا اعلان کرنے والی اور باحجاب سپر ماڈل کا اعزاز رکھنے والی صومالی نڑاد امریکی ماڈل 23 سالہ حلیمہ آدن کی امریکی سپر ماڈل جیجی حدید نے بھرپور حمایت کردی۔جیجی حدید نے ایک انسٹاگرام اسٹوری میں ماڈل ماڈل حلیمہ آدن کے فیصلے کی حمایت کرتے ہوئے کہا ہے کہ کسی بھی سفر میں ‘خودی’ کو پانا انتہائی اہم ہے جبکہ ساتھ انہوں نے حلیمہ آدن کی نجی وجوہات پر بنا خوف و خطر شوبز چھوڑنے کے فیصلے کی تعریف کی۔انہوں نے لکھا ہر ایک کو ابھی حلیمہ آدن کی انسٹاگرا اسٹوری کا جائزہ لینا چاہئے، ایک حجابی اور بغیر حجاب دونوں طرح کے لوگوں کیلئے ضروری ہے کہ وہ ‘خودی’ تک پہنچیں۔انہوں نے لکھا کہ اس راستے پر چلنے کے بعد جو اپنے لیے حقیقی محسوس ہو اسے چْن لیں، شکرگزار ہونے کا اس سے بہتر کوئی راستہ نہیں ہے۔اپنے پیغام کے آخر میں جیجی حدید نے لکھا کہ میری پیاری بہن حلیمہ، میں جس دن آپ سے ملی ہوں اْس دن سے ہی آپ سے بے انتہا متاثر ہوئی ہوں، مستقبل میں بھی مجھے اسی طرح فخر محسوس کرواتی رہیں۔خیال رہے کہ حلیمہ آدن حجاب کے ساتھ ماڈلنگ کرنے والی دنیا کی چند نامور ماڈلز میں سے ایک ہیں، اپریل 2019 میں معروف فیشن میگزین ووگ کے عربی زبان کے شمارے نے انہیں دیگر دو باحجاب ماڈلز کے ساتھ سر ورق کی زینت بنایا تھا۔
