کراچی (این این آئی)ممتاز مزاحیہ اداکار ایاز خان عبدالستار ایدھی فاونڈیشن کی سالانہ تقریب میں شرکت کیلئے آسٹریلیا کے شہر سڈنی پہنچ گئے۔ تقریب 18مارچ کو ہوگی۔سڈنی سے گفتگو کرتے ہوئے انہوں نے بتایا کہ عبدالستار ایدھی فاونڈیشن کی سلور جوبلی کے موقع پر منعقدہ تقریب میں مجھے خصوصی طور پر مدعو کیا گیا ہے۔ انہوں نے کہا کہ اس تقریب میں سڈنی کی اہم شخصیات شرکت کریں گی۔ میں نے کچھ مزاحیہ آئٹم تیار کیے ہیں جو اس موقع پر پیش کروں گا۔ایاز خان نے کہا کہ عبدالستار ایدھی جیسی عظیم شخصیت صدیوں میں پیدا ہوتی ہے۔ ہمیں ان کی خدمات کو دنیا بھر میں ہمیشہ روشن رکھنا ہے۔
