دی ہیگ (این این آئی)بین الاقوامی فوجداری عدالت (آئی سی سی)نے یوکرین میں روسی آپریشن کے دوران جنگی جرائم کے ارتکاب پر روسی صدر ولادیمیر پوتین کے خلاف گرفتاری کے وارنٹ جاری کرنے پر اس کے پراسیکیوٹرز اور ججوں کے خلاف اعلان کردہ دھمکیوںاور کارروائیوں کو مسترد کر دیا،میڈیارپورٹس کے مطابق عدالت کے ممبران ریاستوں کی اسمبلی کی صدر ہے اور ان کا قانون ساز ادارہ تشکیل دیتی ہے نے ایک بیان میں کہا کہ وہ بین الاقوامی کوششوں میں رکاوٹ ڈالنے پر افسوس کا اظہار کرتی ہے جن کا مقصد عوامی بین الاقوامی قانون کے ممنوعہ اعمال کے لیے احتساب کو یقینی بنانا ہے۔عدالت نے اشارہ کیا کہ بین الاقوامی فوجداری عدالت کے خلاف دھمکیاں مل رہی ہیں، جبکہ اس نے اپنے پراسیکیوٹرز اور ججوں کے خلاف اقدامات کا بھی اعلان کیا ہے۔انہوں نے مزید کہا کہ ایسوسی ایشن بین الاقوامی فوجداری عدالت کے لیے اپنی غیر متزلزل حمایت کے عزم کا اعادہ کرتی ہے۔ سابق روسی صدر دمتری میدویدو نے پوتین کے خلاف وارنٹ گرفتاری جاری کرنے کے جواب میں ہیگ کو ہائپرسونک میزائل سے نشانہ بنانے کی دھمکی دی۔ماسکو نے کہا کہ اس نے بین الاقوامی فوجداری عدالت کے چیف پراسیکیوٹر کریم خان اور متعدد ججوں کے خلاف اس غیر قانونی فیصلے پر مجرمانہ تحقیقات کا آغاز کر دیا ہے جس کا مقصد یوکرین کے تنازعے پر پوتین کو گرفتار کرنا تھا۔
