واشنگٹن(این این آئی)پاک امریکا تعلقات کی تاریخ میں پہلی بار، ایک تاریخی قرارداد ایوان نمائندگان میں پیش کی گئی جس میں کانگریس کے رکن جمال بومن نے 23 مارچ 2023 کو یوم پاکستان کے طور پر تسلیم کیا تاکہ پاکستانی، امریکی کمیونٹی کے اہم کردارکا اعتراف کرنا ہے۔غیرملکی خبررساں ادارے کے مطابق قرارداد میں کہا گیا کہ امریکہ کے لیے یہ مناسب اور مطلوب امر ہے کہ وہ ان افراد کو خراج تحسین پیش کرے جو ثقافتی تنوع کو فروغ دیتے ہوئے امریکا میں موجود مختلف کمیونٹیز کے درمیان تعلقات کو مضبوط بنا رہے ہیں جس سے ریاست ہائے متحدہ امریکا کی کمیونٹیز کے تانے بانے کو تقویت ملتی ہے۔قرارداد میں کہا گیا کہ یوم پاکستان ایک بہترین موقع فراہم کرتا ہے کہ جس کے ذریعے امریکہ کے باشندے پاکستانی ورثے کے بارے میں اپنی آگاہی میں اضافہ کر سکتے ہیں اور آنے والی نسلوں میں اس تاریخی ثقافت کے بارے میں جانکاری کو فروغ دے سکتے ہیں۔دریں اثنا امریکا میں پاکستان کے سفیر مسعود خان نے کانگریس مین بومن کا ان کے اس اقدام پر شکریہ ادا کیا جس سے ان کا کہنا تھا کہ اس سے نہ صرف دونوں ممالک کے باہمی تعلقات کو مزید مضبوط بنانے میں مدد ملے گی بلکہ دونوں ممالک کے عوام کو ایک دوسرے کے قریب لانے میں بھی مدد ملے گی۔انہوں نے امریکن پاکستان ایڈووکیسی گروپ کی قیادت بشمول اس کے صدر اور ممتاز کمیونٹی لیڈر علی راشد اور دیگر عہدیداران کا بھی شکریہ ادا کیا جنہوں نے اس تاریخی قرارداد کو متعارف کرانے کے لیے رکن کانگریس کے ساتھ قریبی رابطہ برقرار رکھتے ہوئے سخت محنت کی۔انہوں نے کہا کہ 23 مارچ 2023 کو یوم پاکستان کے طور پر تسلیم کرنا اور پاک امریکی شہریوں کی گراں قدر خدمات کو تسلیم کرنا پاک امریکہ تعلقات کی اہمیت اور ان تعلقات کو مزید مضبوط بنانے کی خواہش کی عکاسی کرتا ہے۔مسعود خان نے اپنے چیمبر میں کانگریس مین بومن سے بھی ملاقات کی، جنہوں نے ان کا پرتپاک استقبال کیا اور تعلقات کی اہمیت اور تعلیم، طب، سائنس، ٹیکنالوجی، کاروبار اور صنعت سمیت مختلف شعبوں میں پاکستانی تارکین وطن کے اہم کردار کے بارے میں اپنے خیالات کا اظہار کیا۔
مقبول خبریں
پاکستان اور امریکہ کے درمیان زراعت کے شعبے میں دیرینہ تعلقات ہیں،دونوں ممالک کی...
لاس اینجلس/کیلیفورنیا(این این آئی)امریکہ میں پاکستانی سفیر مسعود خان نے کہا ہے کہ پاکستان زراعت کے شعبے کو جدید خطوط پر استوار کرنے ،...
پاکستان حج اینڈ عمرہ ایگزیبیشن 2024 پہلی اور منفرد حج و عمرہ نمائش اور...
اسلام آباد (این این آئی)پاکستان حج اینڈ عمرہ ایگزیبیشن 2024 پہلی اور منفرد حج و عمرہ نمائش اور ٹریننگ کا انعقاد فیصل مسجد...
پارکس اینڈ ہارٹیکلچر اتھارٹی راولپنڈی کے زیر انتظام جشن بہاراں میلہ دس مئی سے...
راولپنڈی(این این آئی) پارکس اینڈ ہارٹیکلچر اتھارٹی راولپنڈی کے زیر انتظام علامہ اقبال پارک مری روڈ میں جشن بہاراں میلہ2024 ،10 مئی سے شروع...
ویٹرنری انسٹی ٹیوٹس کے مسائل سے آگاہ ،درپیش مسائل کو ترجیحی بنیادوں پر حل...
اسلام آباد (این این آئی) وفاقی وزیر احسن اقبال نے کہا ہے کہ وہ ویٹرنری انسٹی ٹیوٹس کے مسائل سے آگاہ ہیں،درپیش مسائل کو...
نیو گوادر انٹرنیشنل ایئرپورٹ کے جدید رہائشی کمپلیکس کی تعمیر مکمل
گوادر(این این آئی)نیو گوادر انٹرنیشنل ایئرپورٹ کی فنشنگ کا کام تیزی سے جاری ہے،چائنہ ایئر پورٹ کنسٹرکشن کمپنی(سی اے سی سی)نے ماڈرن...