ممبئی (این این آئی)لیجنڈری بھارتی اداکار امیتابھ بچن اور انوشکا شرما کی بغیر ہیلمنٹ بائیک پر سفر کرنے کی تصاویر نے تنازع کھڑا کردیا۔ دونوں اسٹارز کی جانب سے جو تصاویر شیئر کی گئی ہیں ان سے متعلق ان کی وضاحت بھی سامنے آچکی ہے تاہم اب سوشل میڈیا پر اسی سے متعلق نئی بحث چھڑ گئی۔سوشل میڈیا صارفین یہ کہہ رہے ہیں کہ اسٹارز کو اپنی سماجی ذمہ داریوں کا احساس ہونا چاہیے۔ تصاویر سامنے آنے کے بعد مقامی پولیس کو اس حوالے سے شکایات موصول ہوئیں جس کا انہوں نے نوٹس لیا۔ تاہم امیتابھ بچن نے اپنی تصویر سے متعلق بتایا کہ وہ صرف موٹر بائیک پر بیٹھے ہوئے ہیں جبکہ تصویر سیٹ کی ہے۔ اس پر تبصرہ کرتے ہوئے امیج گرو کے دلیپ چیریان کا کہنا تھا کہ یہ اداکاروں اور ستاروں کی ذمہ داری ہے کہ وہ سوشل میڈیا پر بھی قانون کی پاسداری کرتے ہوئے اپنی ذمہ داریوں کا مظاہرہ کریں، کیونکہ لوگ انہیں دیکھتے ہیں اور ان جیسا کام کرنے کی کوشش کرتے ہیں۔ تصویر کے ساتھ عنوان کی غیرموجودگی ناقابلِ معافی ہونی چاہیے۔ اس پر ایک اور نامور اشتہار کنندہ پراہلاد ککڑ کا کہنا تھا کہ یہ لوگ رول ماڈل ہیں، انہیں محتاط رہنا چاہیے۔ تمام نوجوانوں کو چاہیے کہ وہ ہیلمنٹ پہنیں کیونکہ بائیک کے حادثے میں 90 فیصد اموات ہیلمٹ نہ پہننے کی غفلت کے باعث ہی ہوتے ہیں۔ ممبئی ٹریفک پولیس حکام نے اس معاملے پر کہا کہ کسی کا بھی قوانین کی خلاف ورزی کا کوئی جواز نہیں ہونا چاہیے۔ مارکیٹیئر ورون گپتا نے اس حوالے سے کہا کہ جب کوئی سیلبریٹری اس طرح کا کوئی کام کریں تو اس کی اضافی جانچ پڑتال ہونی چاہیے۔انہوں نے مزید کہا کہ ایسے میں جب ملک میں سگریٹ نوشی پر پابندی ہے، یہ اسٹارز کھلے عام سگریٹ نوشی کرتے دکھائی دیتے ہیں۔ اگر ہم کسی سیلبریٹری کو ایسا کرتے دیکھتے ہیں تو پھر ہم بھی یہ جرم کرنا چاہیں گے۔
مقبول خبریں
وزیر اعظم محمد شہباز شریف سے سپیکر پنجاب اسمبلی ملک محمد احمد خان کی...
لاہور(این این آئی)وزیر اعظم محمد شہباز شریف سے سپیکر پنجاب اسمبلی ملک محمد احمد خان نے یہاں ملاقات کی اور ملک کی مجموعی...
آئیوری کوسٹ کو پاکستانی چاول سمیت متعددبرآمدات بڑھانے کے بہت زیادہ امکانات موجود ہیں،صدر...
اسلام آباد (این این آئی)صدر مملکت آصف علی زرداری نے آئیوری کوسٹ کے ساتھ اقتصادی اور ثقافتی تعلقات بڑھانے کی ضرورت پر زور دیتے...
مجھے سیالکوٹ نے جتنی عزت بخشی ہے میری نسلیں بھی اس کا احسان...
سیالکوٹ(این این آئی)وزیر دفاع خواجہ محمد آصف نے کہا ہے کہ مجھے اس شہر نے جتنی عزت بخشی ہے میری نسلیں بھی اس...
فیڈرل بورڈ آف ریونیو کی تنظیم نو کی جارہی ہے، وزیراعظم خود اعلان...
اسلام آباد (این این آئی)وزیر اطلاعات عطا اللہ تارڑ نے کہا ہے کہ فیڈرل بورڈ آف ریونیو کی تنظیم نو کی جارہی ہے، اس...
پاکستان میں میڈیا، صحافیوں کے ساتھ کیا ہوا، اِس پر کتابیں لکھی جاسکتی ہیں،...
اسلام آباد (این این آئی)سپریم کورٹ میں وفاقی تحقیقاتی ادارے (ایف آئی اے) کی جانب سے صحافیوں کو جاری نوٹسز سے متعلق کیس...