اسلام آباد (این این آئی)وزیر خارجہ بلاول بھٹو زرداری جاپانی وزیر خارجہ یوشیماسا ہایاشی کی دعوت پر 2سے 3جولائی تک جاپان کا سرکاری دورہ کریں گے۔ یہ بات دفتر خارجہ کی ترجمان ممتاز زہرہ بلوچ نے یہاں پریس بریفنگ میں بتایا کہ وزیر خارجہ ٹوکیو میں جاپانی وزیر خارجہ یوشیماسا ہایاشی کے ساتھ اہم بات چیت کریں گے۔ دونوں وزرا خارجہ دوطرفہ تجارت اور سرمایہ کاری، سائنس و ٹیکنالوجی، تعلیم، انفارمیشن ٹیکنالوجی، ثقافت اور انسانی وسائل کی ترقی پر تبادلہ خیال کریں گے۔ دونوں رہنما اہم علاقائی وعالمی پیشرفت،کثیرالجہتی فورمز میں تعاون اور مکالمے پر بھی تبادلہ خیال کریں گے۔
