اسلام آباد(این این آئی)وفاقی سیکرٹری صحت افتخار شلوانی نے کہا ہے کہ وزیراعظم شہباز شریف کی قیادت میں پولیو کے خاتمے کیلئے پرعزم ہیں،ہمارے بہادر فرنٹ لائن ورکرز شب و روز محنت کررہے ہیں،پولیو کاخاتمہ ہماری اولین ترجیح ہے۔ وہ جنیوا میں پولیو انڈیپنڈنٹ مانیٹرنگ بورڈ کے 22 ویں اجلاس میں خطاب کررہے تھے ۔وزارت صحت کے ترجمان کے مطابق جنیوا میں پولیو انڈیپنڈنٹ مانیٹرنگ بورڈ کے ویں اجلاس میں وفاقی سیکرٹری صحت پاکستانی وفد کی قیادت کررہے ہیں۔ وفد میں چاروں صوبوں کے چیف سیکرٹریز بھی شامل ہیں۔ انڈیپنڈنٹ مانیٹرنگ بورڈ کے ماہرین صحت سے سیکرٹری صحت نے اپنے خطاب کے دوران کہا کہ وزیر صحت عبدالقادر پٹیل کی کوششوں سے پاکستان وائرس کے خاتمہ کے قریب ہے۔ وزیراعظم شہباز شریف کی قیادت میں پولیو کے خاتمے کے لیے پرعزم ہے۔ انہوں نے کہا کہ ہمارے بہادر فرنٹ لائن ورکرز شب و روز محنت کررہے ہیں۔ پولیو پروگرام کی کوششوں سے رواں برس پولیو ک ایک کیس رپورٹ ہوا ہے۔ افتخار شلوانی نے کہا کہ پولیو کے قطروں سے محروم رہ جانے والے بچوں تک رسائی کے لئے مختلف حکمت عملی بنائی گئی ہے۔ پولیو وائرس کے خاتمے کیلئے ہنگامی بنیادوں پر اقدامات کیے جارہے ہیں۔ درپیش چیلنجوں کے خاتمہ کے لئے حکومت سرگرم عمل ہے ۔ انہوں نے کہا کہ پولیو کاخاتمہ ہماری اولین ترجیح ہے۔ اجلاس میں پاکستان افغانستان اور افریقی ممالک کے نمائندوں نے بھی شرکت کی۔
مقبول خبریں
پاکستان معاشی بحران سے باہر آگیا، رواں سال شرح نمو 2.8 فیصد رہے گی،عالمی...
اسلام آباد(این این آئی )عالمی بینک نے قراردیا ہے کہ پاکستان معاشی بحران سے باہر آگیا،رواں سال شرح نمو 2.8 فیصد رہے گی، بجلی...
پاکستان سعودی عرب کی خودمختاری اور علاقائی سالمیت کے لیے پرعزم ہے’اسحاق ڈار
اسلام آباد(این این آئی )نائب وزیراعظم اور وزیر خارجہ اسحٰق ڈار نے کہا ہے کہ پاک سعودی عرب اسٹریٹجک شراکت داری نئے دور میں...
پاکستان میں سرمایہ کاری بڑھانے کے لیے پرعزم ہیں’سعودی وزیرسرمایہ کاری خالد بن عبدالعزیز
اسلام آباد(این این آئی)سعودی وزیر سرمایہ کاری خالد بن عبدالعزیز الفاح نے اسلام آباد میں منعقد پاک سعودی بزنس فورم سے خطاب میں اس...
ہم اس وقت معاشی محاذ پر بہترین پوزیشن میں آگئے ہیں، وزیر خزانہ
اسلام آباد(این این آئی) وزیر خزانہ محمد اورنگزیب کا کہنا ہے کہ ہم اس وقت معاشی محاذ پر بہترین پوزیشن میں آگئے ہیں اور...
صدرآصف علی زرداری سے سعودی سرمایہ کاری وفد کی ملاقات
اسلام آباد(این این آئی)صدرِ مملکت آصف علی زرداری سے سعودی وزیر سرمایہ کاری خالد بن عبدالعزیز الفالح کی قیادت میں وفد نے ملاقات کی۔اس...