لاہور( این این آئی)نامور اداکارہ ثناء نے کہا ہے کہ ہری مرچ کھانا میری کمزوری ہے ،اگر مجھے کہیں کھانے کے ساتھ بیسن میں تلی ہوئی ہری مرچ مل جائے تومیری خوشی دیدنی ہو جاتی ہے ۔ ایک انٹر ویو میں ثناء نے کہا کہ ہری مرچ کے جو فوائد معلوم ہیں یہ معدے کے لئے بڑی مفید قرار دی گئی ہے ۔ ہری مرچ میری سب سے کمزوری ہے اور میری کوشش ہوتی ہے مجھے کھانے میں بیسن میں تلی ہوئی ہری مرچ مل جائے تو کھانے کا مزہ دوبالا ہو جاتا ہے ۔ ثناء نے کہا کہ میں اپنی ڈائٹ کا بھرپور خیال رکھتی ہوں ، میں روز مرہ کے کام تو بھول سکتی ہوں لیکن ایکسر سائز کرنا نہیں بھولتی ۔
