لاہور( این این آئی)لالی ووڈ سٹار میرا نے کہا ہے کہ جاوید شیخ میرے فیورٹ اداکار ہیں اور میری اب بھی خواہش ہے کہ ان کے ساتھ کام کروں ، مجھے جتنا مرضی نقصان اٹھانا پڑے میں کبھی جھوٹ نہیں بولتی ۔ ایک انٹر ویو میں میرا نے کہا کہ جاوید شیخ کے ساتھ جتنا بھی کام کیا ہے ہر بار نیا اور خوشگوار تجربہ ہوا ۔ جاوید کے علاوہ مجھے ہمایوں سعید ، فہد مصطفی ، شان اور معمر رانا بھی پسند ہیں۔ اداکارہ نے کہا کہ لوگ خواہ مخواہ میرے سکینڈل بنا دیتے ہیں اور پھر اسے میڈیا کی زینت بنا یا جاتاہے ۔میرا کے مطابق میری خواہش ہے کہ دوبارہ جاوید شیخ کے ساتھ کام کروں اور ان کا ایک پراجیکٹ آرہا ہے جس میں مجھے بھی کاسٹ کیا جائے گا۔
