ممبئی (این این آئی)بالی وڈ اداکار سنی دیول نے کہا ہے کہ پاکستان اور بھارت کے عوام جھگڑنا نہیں چاہتے، نفرت کا کھیل سیاسی ہے اور لوگ ایک دوسرے سے لڑنا نہیں چاہتے۔اداکار سنی دیول ان دنوں اپنی فلم”غدر 2” کی پروموشن میں مصروف ہیں اور اسی دوران انہوں نے پاکستان اور بھارت کے عوام کے حوالے سے گفتگو کی۔انہوں نے کہا کہ ‘کچھ لینے یا دینے کی بات نہیں ہوتی بات انسانیت کی ہوتی ہے، کوئی جھگڑے نہیں ہونے چاہئیں ، دونوں طرف اتنا ہی پیار ہے ، یہ سیاسی کھیل ہوتا ہے جو نفرتیں پیدا کرتا ہے اور وہی آپ اس فلم میں بھی دیکھیں گے۔اداکار کی جانب سے مزید کہا گیا کہ ‘عوام نہیں چاہتی ایک دوسرے کے ساتھ جھگڑا کریں آخر ہیں تو ہم سب اسی مٹی سے۔واضح رہے اس فلم میں اداکار سنی دیول اور اداکارہ امیشا پٹیل ایک بار پھر مرکزی کردار ادا کریں گے اور یہ فلم 11 اگست کو بڑے پردے پر ریلیز ہوگی۔
