لاہور ( این این آئی) نامور اداکارہ نرگس نے کہا ہے کہ جونیئر اداکارائیں راتوں رات دولت اور شہرت حاصل کرنا چاہتی ہیں جو ممکن نہیں ، انہیں اپنے کام پر توجہ دے کر اپنے کام میں مزید نکھار لانا چاہیے پھر جا کر کامیابی ان کے قدم چومے گی ۔ انہوں نے ایک انٹرویو کے دوران کہا کہ شوبز کی دنیا میں نام اور مقام بنانے کے کے لئے انتھک محنت کرنی پڑتی ہے اور جونیئرز کو چاہیے کہ سینئرز کے تجربات سے بھرپور فائدہ اٹھائیں ۔ ایک سوال کے جواب میں نرگس نے کہا کہ شوبز کی دنیا میں کئی سال گزارے ہیں لیکن کبھی تکبر اور غرور نہیں کیا ۔سچا فنکار وہ ہوتا ہے جو ہر کردار کو اپنے اوپر طاری کر لے جیسے وہ کردار اسی کے لئے لکھا گیا ہو۔
