ِکراچی (این این آئی)پاکستان شوبز انڈسٹری سے وابستہ اداکار سمیع خان کے ہاں ننھے مہمان کی آمد، بیٹی کے بعد اب بیٹے کے والد بھی بن گئے۔ فوٹو اینڈ ویڈیو شیئرنگ پلیٹ فارم انسٹاگرام پر اسٹوری شیئر کرتے ہوئے اداکار سمیع خان نے بچے کے پیروں کی تصویر شئیر کی اور لکھا کہ ‘ماشااللہ، الحمداللہ، میں ہمارے آنکھوں کے تارے ، ننھے مہمان شاہ میر خان کی آمد کا اعلان کرتے ہوئے بیحد پْرجوش ہوں، تاریخ پیدائش 2 اگست 2023 ، ہمیں اپنی دعاؤں میں یاد رکھیں۔خیال رہے کہ اداکار کی شادی کو 13 سال ہوگئے ہیں، ان کی شادی 2009 میں شانزے خان سے والدین کی مرضی سے ہوئی تھی ان کی اس سے قبل ایک بیٹی ماہ نور خان ہے۔
