لاہور( این این آئی)ماضی کے نامور اداکار ، میزبان طارق عزیر کی اہلیہ ڈاکٹر حاجرہ طارق عزیز نے انکشاف کیا ہے کہ وہ اتنے مددگار تھے کہ اپنی آنکھیں بھی عطیہ کرنا چاہتے تھے۔ ایک انٹر ویو میں انہوں نے بتایا کہ وہ اپنی تمام جائیداد پہلے ہی پاکستان کو دے چکے تھے اور اپنی آنکھیں بھی عطیہ کرنا چاہتے تھے۔انہوں نے ایک نوٹ میں آنکھیں عطیہ کرنے کی خواہش کے بارے میں لکھا تھا جس کے بارے میں مجھے معلوم نہیں تھا کہ اس لیے ایسا نہیں ہو سکا۔انہوں نے کہا کہ ہماری کوئی اولاد نہیں ،شوہر نے بچے نہ ہونے کے بارے میں کبھی بھی کچھ نہیں کہا۔انہوں نے انکشاف کیا کہ جب بچہ بڑا ہوتا ہے تو طارق عزیز کو اسلامی پردہ کی تعلیمات کے بارے میں شکوک و شبہات تھے اور اس طرح وہ بچہ گود لینے کے قائل نہیں تھے۔انہوںنے جذباتی ہو کر کہا کہ شوہر کے انتقال کے بعد ریاست کی طرف سے کسی نے ان سے رابطہ نہیں کیا۔
