صدر مملکت سے سیکرٹری خارجہ ڈاکٹر اسد مجید خان کی الوداعی ملاقات،صدر نے کامیابی سے مدت مکمل کرنے پر مبارکباد

اسلام آباد (این این آئی)صدر مملکت ڈاکٹر عارف علوی سے سیکرٹری خارجہ ڈاکٹر اسد مجید خان نے الوداعی ملاقات کی ہے ۔صدر مملکت نے ڈاکٹر اسد مجید خان کو 31 ویں سیکرٹری خارجہ کے طور پر کامیابی سے مدت مکمل کرنے پر مبارکباد دی۔ ایوان صدر کے پریس ونگ کے مطابق صدر مملکت نے مختلف امور پر پاکستان کا مقف اجاگر کرنے میں ڈاکٹر اسد مجید کی خدمات کو سراہا اور ان کی پیشہ ورانہ صلاحیتوں ، خارجہ محاذ پر اقدامات کی بھی تعریف کی۔ اس موقع پر صدر مملکت نے ریٹائرمنٹ کے بعد کی زندگی کیلئے ڈاکٹر اسد مجید خان کیلئے اپنی نیک تمناں کا اظہار کیا۔