ممبئی (این این آئی)بالی وڈ کے سپر اسٹار سلمان خان نیا پنی بہن آرپیتا کے گھر میں خیر و برکت کیلئے آیت الکرسی کی کیلی گرافی کا تحفہ بنا کر دیا ہے۔دبنگ خان اپنی اداکاری سے تو لوگوں کے دل جیتنے کے ماہر ہیں لیکن ان میں کیلی گرافی کا بھی ہنر پایا جاتا ہے، اداکار نے آیت الکرسی کی کیلی گرافی کی جسے انہوں نے بطور تحفہ اپنے بہنوئی کو پیش کیا۔حال ہی میں سلمان خان کی بہن آرپیتا کے شوہر اداکار آیوش شرما نے بھارتی میڈیا کو اپنے گھر کا دورہ کروایا جس میں آیوش شرما نے آرپیتا سے اپنی شادی اور کیرئیر کے حوالے سے گفتگو کی۔آیوش شرما نے بھارتی میڈیا کے ایک میزبان کو اپنے گھر کا دورہ کرواتے ہوئے بتایا کہ جب ہم اپنا گھر بنا رہے تھے تو میں نے سلمان خان سے کہا کہ مجھے اس دیوار کیلئے کچھ ایسا چاہیے جو بہت خوبصورت ہو جس کو دیکھ کر دلی سکون ملے تو پھر سلمان بھائی نے مجھے خود اپنے ہاتھ سے آیت الکرسی کی کیلی گرافی کا تحفہ دیا جس میں نماز ادا کرنے کے ارکان کی تصاویر بھی بنی ہیں۔آیوش شرما نے کہا کہ یہ سلمان خان نے آیت کرسی کی کیلی گرافی کا آرٹ کا نمونہ گھر میں خیر و برکت کیلئے دیا ہے۔آرٹ کے اس نمونے میں قرآن کریم کی دیگر آیات بھی شامل ہیں، آیوش شرما کے اس انٹرویو کے بعد سلمان خان کے مداحوں کی جانب انہیں خوب سراہا جا رہا ہے۔
