بیجنگ (این این آئی)چین کے صوبہ گانسو کے لن شیاپریفیکچر کی جیشان کانٹی میں6.2شدت کا زلزلہ آیا, جس کا مرکز زیر زمین 10 کلومیٹر گہرائی میں تھا۔ اب تک زلزلے سے گانسو میں 100 اور صوبہ چھیانگ ہائی میں 11 افراد ہلاک ہو چکے ہیں اور کچھ علاقوں میں پانی، بجلی، نقل و حمل اور مواصلات سمیت دیگر بنیادی ڈھانچے کو نقصان پہنچا ہے۔منگل کے روز چینی نشر یاتی ادارے کے مطا بقزلزلے کے بعد سی پی سی سینٹرل کمیٹی کے جنرل سیکریٹری، چین کے صدر مملکت اور مرکزی فوجی کمیشن کے چیئرمین شی جن پھنگ نے اہم ہدایات جاری کرتے ہوئے ہر ممکن سرچ اینڈ ریسکیو، زخمیوں کا بروقت علاج، ہلاکتوں کو کم سے کم کرنے اور ثانوی آفات کی روک تھام پر زور دیا۔شی جن پھنگ نے کہا کہ ضرورت اس امر کی ہے کہ ہنگامی اور امدادی سامان کی جلد از جلد تقسیم کا بندوبست کیا جائے، زلزلہ زدہ علاقوں میں بجلی، ٹیلی مواصلات، نقل و حمل اور ہیٹنگ سمیت تباہ شدہ انفراسٹرکچر کی جلد مرمت کی جائے، آفت سے متاثرہ افراد کو محفوظ مقامات پر منتقل کیا جائے ،ان کی بنیادی ضروریات کی فراہمی کو یقینی بنایا جائے اور متاثرین کے خاندانوں کو ہر ممکن تشفی فراہم کی جائے۔شی جن پھنگ نے مرکزی حکومت کو ہدایات جاری کیں کہ وہ زلزلہ زدہ علاقوں میں ورکنگ گروپ بھیجے تاکہ زلزلے سے بچا کے کاموں میں رہنمائی کی جا سکے اور مسلح افواج اور پولیس فورس ہنگامی ریسکیو کے کاموں میں فعال طور پر تعاون کریں تاکہ عوام کے جان و مال کے تحفظ کو یقینی بنانے کے لئے پوری کوشش کی جائے۔چینیصدر شی جن پھنگ اور وزیر اعظم لی کھہ چھیانگ کی ہدایات پر چین کی ریاستی کونسل نے امدادی کاموں میں رہنمائی کے لیے ایک ورکنگ گروپ آفت زدہ علاقوں میں بھیجا ہے۔ اب صوبہ گانسو اور صوبہ چھیانگ ہائی میں ہنگامی ریسکیو کے لیے فورسز کو منظم کیا گیا ہے اور خیمے، فولڈنگ بیڈز اور رضائیوں سمیت امدادی سامان کو فوری طور پر آفت زدہ علاقوں میں بھیجا گیا ہے ، اور تمام امدادی کام بھرپور اور منظم انداز میں کیا جا رہا ہے
مقبول خبریں
پاک چائنا تعلقات دنیا میں بے مثال،چین نے ہمیشہ پاکستان کا غیر مشروط ساتھ...
اسلام آباد (این این آئی)وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال نے کہا ہے کہ پاکستان اور چین کے...
محسن نقوی سے امریکی ادارہ برائے نارکوٹکس کے وفد کی ملاقات، باہمی دلچسپی کے...
اسلام آباد (این این آئی)وفاقی وزیر داخلہ وانسدا منشیات محسن نقوی سے امریکہ کی بیورو آف انٹرنیشنل نارکوٹکس اینڈ لا ء انفورسمنٹ افیرز( آئی...
ملکی سیاحت کی ترقی سے پاکستان کا عالمی سطح پر مثبت تشخص اجاگر ہوگا،سپیکر...
اسلام آبا د(این این آئی)اسپیکر قومی اسمبلی سردار ایاز صادق نے کہا ہے کہ سیاحت کا فروغ ملکی سماجی اور اقتصادی ترقی کے...
غیر ملکی سرمایہ کاروں کی سہولت کے لئے کلی معیشت کے استحکام کے ماحول...
اسلام آباد (این این آئی)وزیر اعظم محمد شہباز شریف نے ممتاز پاکستانی امریکن بینکرز کوملک میں انفراسٹرکچر، توانائی، ٹیکنالوجی، زراعت کے شعبوں میں...
وزیر اعلیٰ مریم نواز شریف کا مخدوش ،خستہ حال عمارتوں میں بنے سکول سیل...
لاہور( این این آئی) وزیر اعلیٰ پنجاب مریم نواز شریف نے مخدوش اور خستہ حال عمارتوں میں بنے سکول سیل کرنے کا حکم دیتے...