کو یت سٹی(این این آئی) چینی صدر شی جن پھنگ کے خصوصی ایلچی اورچین کی قومی عوامی کانگریس کی قائمہ کمیٹی کے نائب چیئرمین شوکرت ذاکر نے کویت کے دارالحکومت کویت سٹی میں مرحوم امیر شیخ نواف کی تعزیتی تقریب میں شرکت کی اور کویت کے نئے امیر شیخ مشال الصبح سے ملاقات کی۔غیرملکی خبررساں ادارے کے مطابق منگل کے روزشوکرت ذاکر نے کہا کہ مرحوم امیر شیخ نواف سے کویت کے عوام کا انتہائی احترام اور محبت کا رشتہ تھا اور انہوں نے اپنی زندگی میں چین کویت دوستی کے فروغ کے لئے انتھک کوششیں کیں ۔ چین کویت کے ساتھ اپنے تعلقات کی ترقی کو بہت اہمیت دیتا ہے اور چین کویت اسٹریٹجک شراکت داری میں نئی پیش رفت کے حصول کے لئے کویت کے ساتھ مل کر کام کرنے کے لئے تیار ہے۔امیر شیخ مشال نے صدر شی جن پھنگ کا تعزیتی پیغام بھیجنے اور وائس چیئرمین شوکرت ذاکر کو تعزیت کے لیے خصوصی ایلچی مقرر کرنے پر تہہ دل سے شکریہ ادا کیا۔ انہوں نے صدر شی جن پھنگ کی جانب سے نئے عہدے پر مبارکباد کے لئے ان کا شکریہ ادا کیا اور اس بات پر زور دیا کہ کویت مختلف شعبوں میں دونوں ممالک کے درمیان تعاون کو گہرا کرنے اور کویت اور چین کے تعلقات کو ایک نئی سطح پر لے جانے کے لئے چین کے ساتھ مل کر کام کرنے کا خواہاں ہے۔
مقبول خبریں
پاک چائنا تعلقات دنیا میں بے مثال،چین نے ہمیشہ پاکستان کا غیر مشروط ساتھ...
اسلام آباد (این این آئی)وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال نے کہا ہے کہ پاکستان اور چین کے...
محسن نقوی سے امریکی ادارہ برائے نارکوٹکس کے وفد کی ملاقات، باہمی دلچسپی کے...
اسلام آباد (این این آئی)وفاقی وزیر داخلہ وانسدا منشیات محسن نقوی سے امریکہ کی بیورو آف انٹرنیشنل نارکوٹکس اینڈ لا ء انفورسمنٹ افیرز( آئی...
ملکی سیاحت کی ترقی سے پاکستان کا عالمی سطح پر مثبت تشخص اجاگر ہوگا،سپیکر...
اسلام آبا د(این این آئی)اسپیکر قومی اسمبلی سردار ایاز صادق نے کہا ہے کہ سیاحت کا فروغ ملکی سماجی اور اقتصادی ترقی کے...
غیر ملکی سرمایہ کاروں کی سہولت کے لئے کلی معیشت کے استحکام کے ماحول...
اسلام آباد (این این آئی)وزیر اعظم محمد شہباز شریف نے ممتاز پاکستانی امریکن بینکرز کوملک میں انفراسٹرکچر، توانائی، ٹیکنالوجی، زراعت کے شعبوں میں...
وزیر اعلیٰ مریم نواز شریف کا مخدوش ،خستہ حال عمارتوں میں بنے سکول سیل...
لاہور( این این آئی) وزیر اعلیٰ پنجاب مریم نواز شریف نے مخدوش اور خستہ حال عمارتوں میں بنے سکول سیل کرنے کا حکم دیتے...