واشنگٹن(این این آئی)وائٹ ہائوس کے ترجمان جان کربی نے کہا ہے کہ ہم یہ نہیں کہہ سکتے کہ ہم اس مرحلے پر پہنچ گئے ہیں جہاں اسرائیل اور فلسطینی تحریک حماس کے درمیان قیدیوں کے تبادلے کا ایک اور معاہدہ قریب ہے۔غیرملکی خبررساں ادارے کے مطابق جان کربی نے پریس کانفرنس میں کہا کہ ہم اسرائیل اور حماس کے درمیان قیدیوں کے تبادلے کے معاہدے کے قریب نہیں ہیں۔انہوں نے یہ بھی کہا کہ ہم قیدیوں کی رہائی اور عارضی جنگ بندی کے ساتھ انسانی امداد کی فراہمی کے لیے ایک نئے معاہدے تک پہنچنے پر کام جاری رکھے ہوئے ہیں۔ مذاکرات کار کام کر رہے ہیں اور یہ ایک نتیجہ خیز بات چیت ہے۔جان کربی نے زور دے کر کہا کہ امریکہ سمجھتا ہے کہ دو ریاستی حل ہی اسرائیلیوں اور فلسطینیوں کے لیے صحیح راستہ ہے۔
