اسلام آباد (این این آئی)اردو ادب کے منفر د شاعر احمد فراز کا 93واں یوم پیدائش (کل)اتوارکو منایا جائیگا،وہ14 جنوری 1931 کو نوشہرہ میں پیدا ہوئے ،ان کا اصل نام سید احمد شاہ تھا۔اس سلسلہ میں فیصل آباد سمیت ملک بھرمیں ادبی حلقوں میں تقریبات منعقد کی جائیں گی ،ان کے مجموعہ کلام میں تنہاتنہا،درد آشوب،بے آواز گلی کوچوں میں جیسی خوبصورت کتب کو بے پناہ پذیرائی حاصل ہوئی ۔احمد فراز کو آدم جی ادبی ایوارڈ،اباسین ایوارڈ،ہلال امتیاز اور بہت سے غیر ملکی ایوارڈز واعزازات سے نوازا گیاتھا۔احمدفراز گردوں کی بیماری کے باعث 25اگست2008 کو انتقال کرگئے تھے۔
