اسلام آباد(این این آئی)سپیکر اور ڈپٹی سپیکر کے انتخاب کیلئے مسلم لیگ (ن) کے سردار ایاز صادق اور پیپلز پارٹی کے غلام مصطفی شاہ نے کاغذات نامزدگی جمع کرا دئیے۔جمعرا ت کوسردار ایاز صادق نے سپیکر قومی اسمبلی کیلئے کاغذات نامزدگی جمع کرائے جبکہ پیپلز پارٹی کے غلام مصطفی شاہ نے ڈپٹی سپیکر قومی اسمبلی کیلئے کاغذات نامزدگی جمع کرائے ہیں۔سیکرٹری قومی اسمبلی نے ایوان کے اندر ہی ایاز صادق اور غلام مصطفی شاہ سے کاغذات نامزدگی وصول کیے۔سیکرٹری قومی اسمبلی کی جانب سے سپیکر اور ڈپٹی سپیکر کے انتخاب کا شیڈول تبدیل کر دیا گیا ، پہلے کاغذات نامزدگی یکم مارچ کو جمع ہونے تھے اور 2مارچ کو سپیکر اور ڈپٹی سپیکر کا انتخاب خفیہ رائے شماری سے ہونا تھا تاہم اب اسپیکر اور ڈپٹی اسپیکر کا چنائو (کل) جمعہ کوہو گا۔
