ننکانہ صاحب(این این آئی)سابق گورنر و وفاقی وزیر مرکزی نائب صدر مسلم لیگ (ن)چوہدری محمد برجیس طاہر نے اپنے ایک بیان میں کہا ہے کہ28 مئی یوم تکبیر کا دن پاکستان کی تاریخ میں سنگ میل کی حیثیت رکھتا ہے،یہ وہ تاریخی دن ہے جس دن پاکستان ایک ایٹمی قوت کے طور پر دنیا کے نقش پر ابھرا،برجیس طاہر نے کہا کہ 28 مئی کے دن میاں محمد نواز شریف نے امریکہ کی طرف سے دئیے جانے والی پانچ ارب ڈالر کی افر کو ٹھکرا کر ایٹمی دھماکے کر کے ملک کو ناقابل تسخیر بنا یا۔ برجیس طاہر نے کہا کہ میاں محمد نواز شریف کو بیرونی طاقتوں کی طرف سے طرح طرح کی دھمکیوں کا سامنا کرنا پڑا جس پر میاں محمد نواز شریف نے کہا کہ شیر کی ایک دن کی زندگی گیدڑ کی سو سالہ زندگی سے بہتر ہے اور انہوں نے ایٹمی دھماکے کر کے پاکستان اور قوم کا سر فخر سے بلند کر دیا۔انہوں نے کہا کہ ملکی تعمیر و ترقی اورایٹمی دھماکوں کی پاداش میں میاں محمد نواز شریف پر کبھی نااہلی،ہائی جیکنگ اوربیٹے سے تنخواہ نہ لینے کی صورت میں سزائیں دی گئیں لیکن آج بھی میاں محمد نواز شریف ملک کی تعمیر و ترقی کے عزم کو لئے آگے بڑھ رہے ہیں۔ برجیس طاہر نے کہا 28 مئی 1998ئ کو مسلم لیگ ن کے قائد سابق وزیر اعظم میاں محمد نواز شریف نے بھارت کی جانب سے ایٹمی دھماکوں کے جواب میں بلوچستان چاغی کے مقام پر 6 ایٹمی دھماکے کیے۔ یہ وہ دن تھا جب پاکستان نے پوری دنیا کے سامنے اپنی طاقت کا لوہا منوایا اور اسلامی دنیا کی واحد ایٹمی قوت بننے کا اعزاز حاصل کیا۔انہوں نے کہا کہ ملک کا دفاع مضبوط ہاتھوں میں ہے اور دشمن ملک کی طرف میلی آنکھ سے دیکھنے کی جرات نہیں کر سکتا۔ انہوں نے کہا کہ جب بھی ملک پر کڑا وقت آیا پوری قوم سیسہ پلائی ہوئی دیوار بن کر دشمن کا مقابلہ کرے گی۔برجیس طاہرنے کہا کہ پاکستان کا دفاع اور ایٹمی اثاثے مضبوط ہاتھوں میں ہے۔ انہوں نے کہا کہ پاکستان اللہ تعالی کی ایک عظیم نعمت ہے جس کی تعمیر و ترقی میں سب کو اپنا کردار ادا کرنے کی ضرورت ہے،برجیس طاہر نے کہا کہ 28مئی کا دن پاکستان کی تاریخ میں خوشی کا دن ہے اسی دن کی مناسبت سے میاں محمد نواز شریف کو پاکستان مسلم لیگ (ن)کا دوبارہ صدر منتخب کیا گیا۔
مقبول خبریں
شہبازشریف کی بنگلہ دیش کے ڈاکٹر یونس سے آج ملاقات طے ہوگئی
نیویارک (این این آئی)وزیراعظم شہباز شریف ان دنوں امریکا روانگی سے قبل لندن میں 2 روزہ دورے پر موجود ہیں جہاں پاکستان اور بنگلہ...
تاریخ گواہ ہے پاکستان ،چین نے ہمیشہ ایک دوسرے پربھروسہ کیا’، چینی صدر
اسلام آباد(این این آئی) چین کے صدر شی جن پنگ نے وزیراعظم شہبازشریف کی 73 ویں سالگرہ پر انہیں مبارکباد کا خط بھیجا ہے۔...
قاتلوں کو عبرت کا نشان بنانے والے قاتلوں کے محافظ بن گئے، فضل الرحمان
راولپنڈی(این این آئی)جمعیت علماء اسلم کے سربراہ مولانا فضل الرحمان نے جے یو آئی کارکن مولانا ثاقب فیاض کے قتل پر گہرے رنج...
معاہدے سے فرار کا راستہ حکومت کو مہنگا پڑے گا ‘ حکومت دھرنا معاہدہ...
لاہور(این این آئی) نائب امیر جماعت اسلامی پاکستان لیاقت بلوچ کا کہنا ہے کہ معاہدے سے فرار کا راستہ حکومت کو مہنگا پڑے گا...
ایف بی آر کے پاس ٹیکس ریٹرنز کے آڈٹ کی صلاحیت نہیں، وزیرمملکت...
اسلام آباد(این این آئی) وزیرمملکت برائے خزانہ علی پرویز ملک نے کہا ہیکہ ٹیکس ریٹرنز کے آڈٹ کی ایف بی آر کے پاس صلاحیت...